د تخنيکي پلټنې رئيس د کونړ ولايت د کانونو قراردادي شرکتونو له استازو سره وکتل
د کانونو او پټرولیم وزارت د کانونو د تخنيكي پلټنې رئيس حافظ انجنیر عبداللطيف خالد او د یاد ریاست تخنيکي ټيم، چې د کونړ ولایت کانونو څېړنه یې ترسره کړې وله د یادې څېړنې وروسته یې د قراردادي شرکتونو له استازو سره ناسته وکړه، په دې ناسته کې د تخنيکي پلټنې رئيس او تخنيكي ټيم لخوا شرکتونو سره په قراردادونو کې د شته ژمنو په اړه خبرې وشوې، د تخنیکي ټیم له لوري د څېړنې په ترڅ کې کومې ستونزې او نواقص چې قراردادي شرکتونو د ژمنو په تخنيكي، مالي او اداري برخه کې لرل، شرکتونو ته د پريزنټيشن په بڼه وړاندې شول او شرکتونو ته د تخنيکي پلټنې رئيس له لوري د شته تعهداتو او نواقصو په اړه لازمې سپارښتنې وشوې، تر څو شرکتونه خپلې ژمنې د قرارداد او پروپوزل اړوند په ټاکل شوي وخت کې سرته ورسوي.
د قراردادي شرکتونو استازو ژمنه وکړه، چې مونږ به خپله هڅه او کوښښ وکړو، ترڅو د قرارداد اړوند خپلې ژمنې په ټاکل شوي وخت کې سرته ورسوو.
په پای کې د قراردادي شرکتونو استازو د تخنيکي پلټنې رئيس څخه د خپلو ځينو ستونزو د حل په موخه غوښتنه وکړه، د تخنيکي پلټنې رٸيس ډاډ ورکړ چې د کانونو او پټرولیم وزارت له رهبري سره به یې غوښتنې شریکې شي.
