د کانونو او پټرولیم وزارت سرپرست د چین هېواد د سفیر له مرستیال سره وکتل
د کانونو او پټرولیم وزارت سرپرست شیخ الحدیث شهاب الدین دلاور نن یکشنبه د 15/3/1401 نېټې په کابل کې د چین هیواد د سفیر له مرستیال ښاغلي دینګ ینان او ورسره مل پلاوي سره په خپل کاري په دفتر کې وکتل.
په دغه لیدنه کې د مس عینک پروژې د تحرک په برخه کې د وروستیو پرمختګونو په اړه خبرې وشوې.
د چين هیواد د سفیر مرستیال د پروژې د پرمختګ په برخه کې، د کانونو او پټروليم وزارت له همکارۍ او پاملرنې مننه وکړه او وويل: چې د لرغونو اثارو د لېږد په اړه يې د اطلاعاتو او فرهنګ له وزارت سره ناسته درلوده او دغه راز یې د لرغونو اثارو د لېږد په اړه له دغه وزارت سره د درې اړخيزې ناستې غوښتنه وکړه.
د کانونو او پټرولیم وزارت سرپرست ښاغلي دینګ ینان ته ښه راغلاست ووایه او زیاته یې کړه: د مس عینک پروژه د افغانستان او خلکو لپاره ډېره مهمه ده او موږ غواړو چې ژر تر ژره د دې پروژې کار پیل کړو. او همدارنګه یې زیاته کړه، چې افغانستان له چین هیواد سره اوږمهاله تاریخي او اقتصادي همکارۍ لري او د دغو اړیکو لا پراختیا ته ژمن دی. او د دې تر څنګ یې د امو سیند پروژې په اړه هم خبرې وکړې چې په پای کې دوه اړخیزو همکاریو ژمنه وکړه.
