د کندهار او بغلان ولایتونو د څلور سیمو کانونو داوطلبي.
د کانونو او پټرولیم وزارت د بغلان ولایت مروبالا سیمې مرمر، د خواجه زید سیمې لومړی او دوهم بلاک مرمر او د کندهار ولایت د سرآب کوه زمبرکان سیمې تالک چې مخکې اعلان ته سپارلي وو نن پنجشنبه 17/6/1401 د وزارت په مقام کې داوطلبي په شفافه توګه تر سره کړه.
د کانونو او پټرولیم سرپرست وزیر شېخ الحدیث شهاب الدین دلاور د ښاغلي انجینر وحیدالله حلیمي تخنیکي مرستیال، مولوي حسام الدین صابري مالي او اداري مرستیال، شېخ ضیاءالرحمن اریوبي د پالیسۍ معین د موظف هیئت او 24 هغه شرکتونو په ګډون کې چې د د پروپوزلونو په ارزونه کې یې د داوطلبۍ شرایط پوره کړي وه داوطلبي ترسره کړه.
په دغه داوطلبۍ کې د بغلان ولایت دوشي ولسوالۍ مروبالا سیمې مرمر کان ګټونکی د معادن مخکش افغان شرکت د رویالټي په قیمت في ټڼ 435 څلور سوه پنځه دېرش افغانۍ، د خواجه زید سیمې لومړی بلاک مرمر ګټونکی د عبید ایوب نوري شرکت د رویالټي په قيمت في ټن 900 نهه سوه افغانۍ، د خواجه زید سیمې دوهم بلاک مرمرو ګټونکی د ممتاز ایاز شرکت د رویالټي په قیمت في ټڼ 900 نهه سوه افغانۍ او د کندهار ولایت سرآب کوه زمبر کان سیمې د تالک کان ګټونکی د رویالټي په قیمت في ټڼ 1900 یو زره او نهه سوه افغانیو په ارزښت اعلان کړل.
