د کانونو او پټرولیم وزارت د دفتر رئیس معرفي شو
مولوي شکرالله ولد سراج الدین چې د 14/8/1444 نېټې (170) شمېرې وړاندیز او د ریاست الوزراء د 22/8/1444 نېټې (2983) شمېرې حکم په اساس د دفتر رئیس په حیث مقرر او د کانونو او پټرولیم وزارت سرپرست ښاغلي شیخ الحدیث شهاب الدین دلاور له لوري د پالیسۍ او برنامو مرستیال شېخ ضیاءالرحمن الاریوبي په شتون کې رسماً معرفي شو.
د کانونو او پټرولیم وزارت سرپرست شیخ الحدیث شهاب الدین دلاور د دفتر رئیس ته د مبارکۍ تر څنګ ورته په ورسپارل شوي ریاست چارو کې د لابریالیتوب هیله وکړه.
