د ارزګان ولایت د فلورایټ او فیروزې کانونو داوطلبي ترسره شوه
د ارزګان ولایت سوربند، اولوم باغ او حصار سیمو فلورایټ او د اورین ناله فیروزې کانونو دوطلبي نن چهارشنبې د 14/4/1402 نېټې د وزارت په مقام کې ترسره شوه
د کانونو او پټرولیم وزارت سرپرست شیخ الحدیث شهاب الدین دلاور د فلورایټ او فیروزې ساحې چې مخکې داوطلبي ته وړاندې کړې وې نن یې د یو شمېر ریسانو او ټاکلي هیئت او هغو شرکتونو په شتون کې چې د پروپوزلونو په ارزونه کې د داوطلبي شرایط پوره کړي وو نن یې د یوې شفافې پروسې په ترڅ کې داوطلبي تر سره کړه. او له هغوئ څخه یې وغوښتل چې د داوطلبي پروسه کې د فساد له منځه وړلو کې مرسته وکړي.
په دغې داوطلبي کې د احمد سبحان د استخراج پروسس شرکت د حصار ساحې فلورایټ کان چې 51 سلنه ګټه امارت او 49 سلنه ګټه به یاد شرکت اخلي او د اولوم باغ سیمې کان 60 سلنه ګټه امارت او 40 سلنه ګټه به یاد شرکت اخلی ګټونکی اعلان کړل. د استخراج او پروسس شرق ساحتماني شرکت د سوربند سیمې فلورایټ کان 61 سلنه ګټه امارت او 39 سلنه ګټه به یاد شرکت اخلي. او همدارنګه د ازره ګرین سټون شرکت د ارزګان ولایت اورین ناله سیمې فېروزې کان چې 63 سلنه ګټه امارت او 37 سلنه ګټه به یاد شرکت ياد اخلي ګټوونکي اعلان کړل.
د یادونې وړ ده چې ټول مصرف به د یادو شرکتونو په غاړه وي.
