د سرپل ولایت د قشقرې 21 نمبر څاه پرانیسته
د کانونو او پټرولیم وزارت سرپرست شیخ الحدیث شهاب الدین دلاور او مل پلاوي د جمعې په ورځ د 16/4/1402 نېټې د سرپل ولایت د قشقري 21 نمبر څاه پرانیسته د افچین شرکت رئیس ښاغلي شي جي چنګ، د سرپل مرستیال والي مولوي دام الله نادر حقجو، مالیې وزارت مالي اداري مرستیال مولوي حمدالله زاهد، د یاد ولایت امنیه قومندان مولوي عبدالبصیرمظهر، سیمه یزو چارواکو او د سیمې او سېدونکو ګډون درلود.
د کانونو او پټرولیم وزارت سرپرست د یادې څاه په اړه معلومات وړاندې کړل ویې ویل: چې دغه څاه به له 70 څخه تر 100 ټنه نفتو پورې ورځنۍ تولید ولري. او د عیسوي کال ترپایه پورې به 15 نورې څاه ګانې وکېندل شي چې له دې سره به زموږ ورځنۍ تولید 1000 ټنو ته ورسېږي، او د دې څاه ګانو د نفتو له عوایدو څخه به د هېواد په بیارغونه کې ګټه واخیستل شي، نوموړي له کورنیو او بهرنیو پانګوالو څخه وغوښتل چې په دې برخه کې پانګونه وکړي.
همدارنګه د کانونو او پټرولیم وزارت سرپرست د A22 نفتي څاه او له انګوت او سپریتر کاري سیمې څخه هم لیدنه وکړه.
