د میدان وردګ ولایت سنګ سیاه سیمې ترازو کې د لوړ تناژ د مدیریت سیسټم نصب او پلی شو
د کانونو او پټرولیم وزارت سرپرست د یاد وزارت د MIS عمومي ریاست سره په ناست کې د یاد ریاست له لوري د میدان وردګ ولایت د لوړ تناژ ترازو د مدیریت سیسټم د پلي کېدو په موخه د پرزنټېشن له لارې معلومات وړاندې کړل.
د MIS ریاست د دغه سیسټم نصب او پلي کول د عواید راټولولو، کنټرول او د هېواد د کانونو سکټور څخه د څارنې او روڼتیا په برخه کې اړین و باله ویې ویل: دغه سیسټم د پوروړو شرکتونو له لوري د کاني موادو انتقال، هغه شرکتونه چې رسمي مکتوب یې نه وي صادر شوی او یا هم د وزارت د مقام حکم ونه لري، هغه شرکتونه چې قرارداد یې لغو شوی او یا ځنډول شوی وي له دغه سیسټم څخه کنټرولېږي او له انتقالاتو څخه مخنیوی هم کوي.
په پام کې ده چې دغه سیسټم د سمنګانو ولایت سربېره د هېواد په ټولو ولایتونو کې نصب او پلی شي.
