هرات ولایت ته د کانونو او پټرولیم وزارت ستر سلاکار سفر
د کانونو او پټرولیم وزارت ستر سلاکار انجنیر وحیدالله حلیمي، د لویو کانونو رئیس حافظ انجنیر ابوبکر امیني هرات ولایت ته یې د خپل سفر په ترڅ کې د یاد ولایت د کانونو ریاست له کار کوونکو سره له لیدنې وروسته د سمنټو له پروژې، د نمک سارمالګې کان، د غوریانواوسپنې، پښتون زرغون اوسپنې، د سبزک ډبرو سکرو له کانونو څخه لیدنه وکړه.
د کانونو او پټرولیم وزارت ستر سلاکار د خپل سفر پر مهال د دغه ولایت داوسپنې کان څلورم بلاک له کاري بهیر څخه لیدنه وکړه او د کان کیندنې شرکت مسوولینو سره یې د استخراج، اکتشاف او پروسس په برخه کې د پلان سره سم د هر اړخیزو همکاریو ژمنه وکړه او د چارو پر چټکتیا یې ټینګار وکړ.
په پای کې یې د اړوندو کانونو مسوولینو ته د کاري بهیر د ښه والي په موخه لازمې لارښوونې وکړې.
