د کانونو او پټرولیم وزیر د ایران له سفیر سره وکتل
د کانونو او پټرولیم وزیر الحاج ملا هدایت الله بدري د ۱۴۰۴لمریز کال د وږي میاشتې په ۱۲مه نېټه په خپل کاري دفتر کې د ایران اسلامي جمهوریت له سفیر علي رضابېکدلي سره وکتل.
په دې لیدنه کې دواړو لورو د اقتصادي همکاریو پراختیا، د دوه اړخیزو اړیکو پیاوړتیا د بېلابېلو برخو په ځانګړې توګه د هېواد د نفتو او ګازو د اکتشاف، استخراج او د کاني زېرمو په برخه کې د پانګونې په اړه بحث او نظرونه شریک کړل.
د ایران سفیر په افغانستان کې بشپړ امنیت او بډایه کاني زېرمې د دوه اړخیزو همکاریو د پراختیا لپاره یوه ښه فرصت وباله، دغه راز یې د ایراني شرکتونو د پانګونې او کانونو په برخه کې د تجربو شرېکولو او ګډ کارغوښتنه وکړه.
د کانونو او پټرولیم وزیر د ایراني شرکتونو له لوري د کانونو په برخه کې د پانګونې د لېوالتیا هرکلی وکړ او د لازمو همکاریو ژمنه یې ورسره وکړه.
