د کانونو او پټروليم وزارت سرپرست کندهار ولايت ته سفر وکړ
د کانونو او پټروليم وزارت سرپرست ښاغلي شېخ الحديث شهاب الدين دلاور نن سه شنبه د 1401/12/23 نېټې د کندهار ولايت ته خپل سفر وکړ.
ښاغلي شېخ الحديث شهاب الدين دلاور په دغه سفر کې د کندهار ولايت د کانونو رئيس او کارکوونکو سره وليدل. او همدارنګه يې د ياد رياست کار کوونکو ته وويل چې د کانونو د استخراج په برخه کې له خپلې مسلکي پوهې ګټه واخلئ تر څو د کانونو استخراج په سمه او قانوني توګه تر سره شي.
او همدارنګه يې په ياد ولايت کې د ښوراندام سيمنټو پروژې د فابريکې فعالولو زېری هم ورکړ چې د يادې فابريکې له فعالولو سره به 5000 هيوادوالو ته په مستقيم او غیرمستقيم توګه کاري زمينه برابره شي.
دکانونو او پټروليم وزارت سرپرست کندهار ولايت ته په داسې حال کې خپل سفر کوي چې څه موده وړاندې د همدې وزارت د انجنيرانو د سروې وروسته د کرومايټو يو شمېر کانونه کشف شوي دي.
