ښاغلی مولوي عبدالودود حقاني د پلان، څارنې او ارزونې عمومي رئیس په توګه معرفي شو
د کانونو او پټرولیم وزارت په وړاندیز او د ریاست الوزرا محترم مقام د حکم په اساس ښاغلی مولوي عبدالودود حقاني د پلان، څارنې او ارزونې عمومي رئیس په توګه د کانونو او پټرولیم وزارت سرپرست شیخ الحدیث شهاب الدین دلاور له لوري د یاد ریاست کارمندانو ته ور وپېژندل شو.
د کانونو او پټرولیم وزارت سرپرست په چارو کې ورته د بریالیتوب هیله وکړه او زیاته یې کړه: په اداراتو کې بدلون یو اصل دی او د کار د ښه والي په موخه ترسره کېږي.
د پلان، څارنې او ارزونې عمومي رئیس د وزارت د مشرتابه له باور څخه مننه وکړه، ژمنه یې وکړه چې د چارو په ښه توګه مخته وړلو کې به خپلې هڅې ګړندی کړي، له همکارانو څخه یې د هر اړخیزې همکارۍ غوښتنه وکړه.
د یادونې وړ ده، چې ښاغلي مولوي عبدالودود حقاني مخکې د بدني روزنې د عمومي رئیس په توګه هم دنده ترسره کړې ده.
