د کانونو او پټرولیم وزارت اداري غونډه ترسره شوه
د کانونو او پټرولیم وزارت د مالي او اداري مرستیال مولوي حسام الدین صابري په مشرۍ اداري غونډه د چهارشنبې په ورځ د (1403/6/14) نېټې د بېلابېلو برخو رئیسانو او آمرینو په ګډون د وزارت د غونډو په تالار کې ترسره شوه.
په دغه غونډه کي مالي او اداري مرستیال د دندو او مسوولیتونو، د ریاستونو ترمنځ د لا زیاتې همغږۍ، د چارو د ښه والي او په کارونو کې د روڼتیا په اړه خبرې وکړې زیاته یې کړه: ټول کارکوونکي باید په پوره مسوولیت او ښې همغږۍ سره خپلې چارې پر وخت ترسره کړي، ورپسې ګډونوالو خپل نظریات او وړاندیزونه د وزارت له مشرتابه سره شریک کړل.
په پای کې د وړاندیزونو او نظرونو له اورېدلو وروسته د چارو د لا ښه پلي کېدو په موخه لازم تصمیمونه ونیول شول.
