د کانونو او پټرولیم وزارت سرپرست د ملي پراختیا شرکت له رئیس سره وکتل
د کانونو او پټرولیم وزارت سرپرست الحاج ملا هدایت الله بدري د دوشنبې په ورځ د 16/7/1403 نېټې په خپل کاري دفتر کې د ملي پراختیا شرکت له رئیس عبدالرحمن عطاش سره وکتل.
په دغه کتنه کې دواړو لورو د بلخاب ډبرو سکرو کان د لاښه مدیریت او کیندنې، د کاري فرصتونو په رامنځته کېدو، لا زیاتې همغږۍ او نورو اړوند موضوعاتو په اړه يې خبرې وکړې.
د کانونو او پټرولیم وزارت سرپرست د ملي پراختیا شرکت رئیس ته ډاډ ورکړ چې د ملي پروژو د پلي کېدو په برخه کې دغه وزارت هر ډول لازمو همکاریو ته چمتو دی.
