د نړیوالو اړیکو او ډونرانو د همغږۍ نوی رئیس معرفي شو
د کانونو او پټرولیم وزارت د وړاندیز او د اسلامي امارت د ریاست الوزراء د حکم پر بنسټ، د ۱۴۰۴ لمریز کال د چنګاښ میاشتې په ۱۴مه نېټه، ښاغلی محمود الهام د نړیوالو اړیکو او ډونرانو د همغږۍ د رئیس په توګه د یاد ریاست کارکوونکو ته ور وپېژندل شو.
د نوموړي د پېژندنې په غونډه کې د کارکوونکو چارو رئیس مولوي احمد ضیاء خاکسار او یو شمېر نورو رئیسانو ګډون کړی و. د کارکوونکو چارو رئیس د پخواني رئیس د کړنو مننه وکړه او ښاغلي الهام ته یې د نوې دندې مبارکي ور کړه، نوموړي زیاته کړه: "په ادارو کې بدلون او تبدیل یو اصل دی، نو د مقاماتو د لارښوونې او امر سره سم به د ملت خدمت ته دوام ورکوو."
د نړیوالو اړیکو او ډونرانو د همغږۍ نوي رئیس ژمنه وکړه، چې خپلې ورسپارل شوې دندې به د هېواد د نافذه قوانینو په چوکاټ کې په بشپړ اخلاص او روڼتیا سره د وزارت له رهبرۍ سره په همغږۍ ترسره کړي.
