په کانونو او پټرولیم وزارت کې د مشرتابه دریمه ناسته وشوه
د کانونو او پټرولیم وزارت د رهبري هیئت د روان کال دریمه ناسته د کانونو او پټرولیم وزارت ځای ناستې وزیرې اغلی نرګس نهان په مشرۍ؛ چې د همدې وزارت مرستیالانو او رئیسانو په ګډون د دې وزارت د غونډو په تالار کې جوړه شوه.
غونډه د اجنډا مطابق د قران کریم د مبارکو ایاتونو په تلاوت سره پیل شوه، چې په لومړي سر کې د کانونو او پټرولیم وزارت دفتر رئیس ښاغلي نورلحق فرید لخوا د ترسره شویو کارونو راپور، او د تیرې ناستې د پریکړو د پلي کولو او د جمهوري عالي مقام ریاست هدایات وړاندې کړل.
د دې په تعقیب سره د پټرولیم عمومي ریاست مسؤولینو، د(CNG)طبیعي ګاز دستګاه د قرارداد غځونې په اړه د ګډې کمیټې معلوماتو راپور وړاندې کړ؛ نو په همدې وجه فیصله وشوه چې یاد قرار داد دې د ذکر شویو معلومو شرایطو په نظر کې نیولو سره د قانوني اجراتو له مخې ترسره کړي.
د دې ناستې بله برخه، د جیولوژیکي معلوماتو ریاست مسؤولینو د کندهار د سمنټو پروژې کوردینات او څه ډول د موجوده ستونزې په لرلو سره په سیمه کې د صنعتي پارکونو د پلي کولو په پار بحث وکړ. چې په اخر کې، په دې فیصله وشوه چې د کانونو او پټرولیم وزارت او ښاري پراختیا او ځمکې وزارت ګډ هیئت دې، ساحې ته له تګ او ارزیابې وروسته خپل ګزارش وړاندې کړي.
او همدا ډول، اداري ریاست د کنړ ولایت د کانونو ریاست د ځمکې ساحه چې د دې ولایت د پوهنتون په حریم کې موقعیت لري، معلومات وړاندې کړل، چې د دې موضوع لپاره پریکړه وشوه چې ذکر شوي مسأله دې د لوړو زده کړو وزارت او کابینې لطرفه فیصله کړي.
او د ناستې په پای کې د کانونو ریاست تفتیش کاري راپور وړاندې شو چې په هغه کې په بغلان ولایت کې د چونې ډبرو د نیول کیدو، په سمنګان ولایت کې د امتیازو(رویالتي) اخیستو او همدارنګه په بلخ ولایت کې د امتیازو (رویالتي) اخیستنې په باره کې بحث وشو، تر بحث وروسته ذکر شویو ستونزو لپاره لازم لارښوونې ورکړل شوې.
چې دغه ناسته د خیر دعا په کولو سره پای ته ورسیده
