د کانونو او پټرولیم وزارت د رهبري پلاوي غونډه ترسره شوه
د کانونو او پټرولیم وزارت د رهبري پلاوي غونډه د پنجشنبې په ورځ 21/11/1400 د کانونو او پټرولیم وزارت د سرپرست شیخ حدیث شهاب الدین دلاور په مشرۍ، د تخنیکي معین الحاج مولوي محمد عیسی آخند، د جیولوجي سروې معین انجینیر نورالله ستانکزی او د یو شمېره رئیسانو په ګډون د کار د چټکتیا په موخه د یاد وزارت د غونډو په تالار کې ترسره شوه.
په دې غونډه کې د استخراجي سکتور د وضعیت د ارزونې ترڅنګ پر شته موخو، پلانونو او ستراتیژیو خبرې وشوې او په پای کې مسؤلینو ته د چارو د ښه والي، د کار د چټکتیا او شفافیت په اړه لازمې لارښوونې وشوې.
وروسته بیا رئیسانو له اجنډا سره سم پر اړوندو موضوعاتو په اړه خبرې وکړې او د ستونزو د اوریدو پر مهال یې خپل وړاندیزونه وړاندې کړل، چې په هره برخه کې د غونډې د غړو د نظریاتو له اوریدو وروسته لازم تصمیمونه ونیول شول.
او په پای کې د کانونو او پټرولیم وزارت سرپرست لارښوونه وکړه، چې د رئیس الوزرا عالي مقام د لارښوونو، تصویبونو، پریکړو او نورو مواردو د تعقیب په اړه دې اړوندو مسوولینو ته پر وخت راپور وړاندې کړي.
