د کانونو او پټرولیم وزارت سرپرست د ایران هېواد د کانونو صنعت او سوداګرۍ له وزیر سره وکتل
د کانونو او پټرولیم وزارت سرپرست الحاج ملا هدایت الله بدري د دوشنبې په ورځ د ۱۴۰۴ کال د ثور میاشتې په ۲۹مه نېټه ایران هېواد ته د خپل رسمې سفر په لړ کې په داسې حال کې چې په ایران کې د افغانستان سفیر مولوي فضل محمد حقاني یې ملتیا کوله د یاد هېواد د کانونو، صنعت او سوداګرۍ له وزیر ښاغلی عطابک او نورو اړوندو مسوولینو سره وکتل.
د وزارت سرپرست د هغه هوکړه لیک په اړه چې پخوا د کانونو او پټرولیم وزارت او د یاد هېواد د کانونو صنعت او سوداګرۍ وزارت سره د سروې، انکشاف او د لابراتوار د توکو په اړه لاسلیک شوی و خبرې وکړې
په پای کې د یاد هوکړه لیک د عملي چارو د پیل په موخه یې دوه تخنیکي کمېټې جوړې کړې، د غه راز یې په ګڼ شمېر نورو اقتصادي او سوداګریزو موضوعاتو په اړه خپل نظرونه شریک کړل.
