د کانونو او پټرولیم وزارت سرپرست د ملي پراختیا شرکت له رئیس سره وکتل
د کانونو او پټرولیم وزارت سرپرست شیخ الحدیث شهاب الدین دلاور د ملي پراختیا شرکت له رئیس ښاغلي عبدالرحمن عطاش سره په خپل کاري دفترکې وکتل.
په دغه کتنه کې د ملي پراختیا شرکت رئیس د قوشتېپې کانال په ګډون د بېلا بېلو پروژو د پرمختګونو او فعالیتونو چې د ملي پراختیا شرکت یې د هېواد د ابادۍ په موخه په بېلا بېلو برخو تر کار لاندې لري او همدا راز یې د بلخاب ډبرو سکرو کان چې د قوشتېپې کانال د تمویل لپاره ځانګړی شو دی د ښه استخراج په موخه یې خپل نظریات، غوښتنې د وزارت له مشرتابه سره شریکې کړې.
د کانونو او پټرولیم وزارت سرپرست شیخ الحدیث شهاب الدین دلاور د هغوی د غوښتنو او خبرو له اورېدو څخه وروسته یې د هېواد د ودانولو په برخه کې د ملي پراختیا شرکت د پروژو د چټکتیا په موخه د یاد وزارت له لوري ورسره د لازمو همکاریو ژمنه وکړه.
