د کانونو او پټرولیم وزارت سرپرست په چین هېواد کې د افغانستان له سفیر سره ولیدل
د کانونو او پټرولیم وزارت سرپرست شیخ الحدیث شهاب الدین دلاور د یکشنبې په ورځ د 1/5/1402 نېټې په چین هېواد کې د افغانستان له سفیر ښاغلي سید محی الدین سادات سره په خپل کاري دفتر کې ولیدل.
په دغه لیدنه کې دواړو لورو پر بېلا بېلو موضوعاتو په ځانګړې توګه د لویو کانونو پر قرار دادونو، د عینک مس کان څخه د لرغونو اثارو لېږدول، سرب او جست او د غوریانو اوسپنې باندې هر اړ خیزې خبرې وکړې.
په پای کې ښاغلي سادات په بېلا بېلو برخو کې د هر ډول همکارۍ ژمنه وکړه.
