د کانونو او پټرولیم وزارت نوي رئیسان معرفي شول
د کانونو او پټرولیم وزارت سرپرست شېخ الحدیث شهاب الدین دلاور نن پنجشنبه 19/12/1400 نېتې ښاغلی محمد شعیب شهزاد د سروې او جیوفزیک او قیس بلال د یاد وزارت د نفتو او ګازو د اقتصادي پراخیتا په توګه د یادو ریاستونو کار کوونکو ورمعرفي کړل.
د کانونو او پټرولیم وزارت سرپرست د سروې او جیو فزیک د رئیس او د یاد وزارت د نفتو او ګازو د اقتصادي پراختیا رئیس د معرفي کولو په ترڅ کې د هغو د شخصیت په اړه توضیحات ورکړل او هر یو ته یې د خدای تعالی له دربار څخه په خپلو دندو کې د بریالیتوب هیله وکړه.
نويو مقرر شوو رئیسانو هم د وزارت له مشرتابه څخه پر دوی د باور کولو څخه مننه وکړه او ویې ویل: موږ به د اړوندو چارو د پرمخ بیولو لپاره هر اړخیزې هڅې وکړو او له خپلو همکارانو څخه مې دا غوښتنه ده چې د چارو د ښه پرمخ بیولو په برخه کې له موږ سره همکاري وکړي.
ښاغلی محمد شعیب شهزاد د کانونو د جیولوجی په څانګه کې د تفحص او د جامد مواد اکتشاف په برخه کې د ماسټرۍ او ښاغلی قیس بلال د کانونو په جیولوجی کی تر لیسانس کچې پورې زده کړې کړي دي.
