هندي پانګوال د افغانستان کاني زېرمو په برخه کې د پانګونې په موخه لېوالتیا څرګنده کړه

د کانونو او پټرولیم وزارت سرپرست الحاج ملا هدایت الله بدري د شنبې په ورځ (14/7/1403) نېټې د هندوستان هېواد د انفرا سټرکچر پراجکټس د کان کیندنې شرکت د دفتر رئیس سرینواش اکاپیډي او مل پلاوي سره په خپل کاري دفتر کې وکتل.

ښاغلي سرینواش اکاپیډي د یاد شوي شرکت د کارونو او فعالیتونو په اړه هر اړخیز معلومات وړاندې کړل ویې ویل: دا شرکت د کانونو په برخه کې له دېرشو کلونو څخه د زیاتې کاري تجربې، انجنیرانو او روزل شویو متخصصینو په درلودلو سره فعالیت کوي، دوی دغه راز د فلزي کانونو، قیمتي ډبرو، نفت او ګاز په برخه کې خپله لېوالتیا وښوده.

د کانونو او پټرولیم وزارت سرپرست د هېواد په کانونو کې د پانګونې په موخه د دوی د لېوالتیا هرکلی وکړ ډاډ یې ورکړ، چې د کانونو د قانون او طرزالعمل اړوند به د پانګونې د زمینې په برابرولو کې له دوی سره همکاري وکړي.