د مزارشریف د برېښنا کوټ (Mazar IPP) په اړه د لوړې کچې شریکانو میاشتینۍ غونډه ترسره شوه
د کانونو او پټرولیم وزارت د سرپرست محمد هارون چخانسوري په مشرۍ د مزارشریف د برېښنا کوټ (Mazar IPP) د چارو د پرمختګ او انسجام په اړه د ویډیو کنفرانس له لارې د لوړې کچې شریکانو غونډه ترسره شوه.
په دغه غونډه کې د پروژې د تدارکاتي پروسو، حقوقي برخې او د پروژې د مهالوېش په اړه هراړخیز بحث وشو.
د کانونو او پټرولیم وزارت سرپرست محمد هارون چخانسوري د غونډې ګډونوالو ته وویل چې، د کانونو او پټرولیم وزارت د پروژې په چارو کې د بهبود او ډېرې همغږۍ په موخه د پروژې لپاره یو واضح مهالوېش ټاکي ترڅو د شریکانو ترمنځ همغږي پیاوړې شي او د پروژې د تطبیق لپاره موثره زمینه مساعده شي.
