شیخ الحدیث شهاب الدین دلاور د  ګاز پایپ لاین شرکت له عمومي رییس سره وکتل

د کانونو او پټرولیم وزارت سرپرست شیخ الحدیث شهاب الدین دلاور نن چهارشنبه د 4/12/1400 نېټه د تخنیکی معین الحاج مولوی محمد عیسی اخند او یو شمیر رئیسانو په حضور کی د ګازو پایپ لاین شرکت عمومي رییس محترم محمد مراد امان اوف، د ترکمنستان هیواد له سفیر خواجه عوض اوف او ورسره مل پلاوي سره د ټاپي پروژې د کار په اړه خبرې وکړې.
د افغانستان د اسلامي امارت د کانونو او پټرولیم وزارت سرپرست ښاغلي محمد مراد امان اوف ته په خپل کاري دفتر کې ښه راغلاست وویل او د یاد هیواد د همکاریو قدرداني یې وکړه.
په یاده کتنه کې د کانونو او پټرولیم وزارت سرپرست شهاب الدین دلاور د ټاپي پروژې د کار د پیل په اړه له ښاغلي امان اوف او ورسره مل پلاوي سره هراړخیزې خبرې وکړې.
ورپسې د ټاپي پروژې عمومي رئیس د کانونو او پټرولیم وزارت له سرپرست او له دغه هېواد سره د دوی له نږدې همکارۍ مننه وکړه. او همداراز د مالیې، کرنې او د کانونو او پټرولیم وزارت تر څارنې او کنټرول لاندې د ځمکې استملاک لپاره د یاد هېواد له خوا د یوه دفتر د جوړېدو په اړه د ټاپي ګاز پروژې د امنیت، مالیاتو او د ځمکې استملاک په اړه هم خبرې وشوې. او همدارنګه یې یادونه وکړه چې په افغانستان کې به د ټاپي پروژې پېل په ځانګړي مراسمو سره ونماځل شي.
په پای کې دواړو لورو ژومنه وکړه چې د پروژې د پیل لپاره به په ګډه کار کوو.