د ننګرهار د ګوشتې ولسوالۍ له مشرانو سره د کانونو او پټرولیم سرپرست لیدنه.
د کانونو او پټرولیم وزارت سرپرست شیخ الحدیث شهاب الدین دلارو د 11/7/1402 نیټه د ننګرهار ولایت د ګوشتې ولسوالۍ له مشرانو سره په خپل کار دفتر کې وکتل.
په دې کتنه کې د یاد ولایت مشرانو د کانونو او پټرولیم وزارت د رهبرۍ له کړنو په ځانګړې توګه چې د یادې ولسوالۍ کانونه قرارداد ته سپارلي ورڅخه مننه وکړه او همدارنګه یې خپلې ستونزې او وړاندیزونه ورسره شریک کړل.
د کانونو او پټرولیم وزارت سرپرست د ننګرهار د ګوشتې ولسوالۍ مشرانو ته ډاډ ورکړ، چې ستاسو ستونزو څخه خبر یم او د شته امکاناتو په صورت کې به ستاسو د ستونزو د حل په موخه لازم اقدامات ترسره کړم.
