د کانونو او پټرولیم وزارت سرپرست له اسټرلیايي پانګوال سره ولیدل
د کانونو او پټرولیم وزارت سرپرست شیخ الحدیث شهاب الدین دلاور د دوشنبې په ورځ 24/7/1402 نېټې له یو تن اسټرلیايي پانګوال سره په خپل کاري دفترکې ولیدل.
په دغه لیدنه کې دواړو لورو د افغانستان د کاني زېرمو په برخه کې د پانګونې په اړه خبرې وکړې، د بهرنیو کمپنیو جلبولو لپاره مناسبه زمینه، په ټول هېواد کې سرتاسري امنیت او همدارنګه د افغانستان د اوبو د مدیریت په اړه یې بحث او نظرونه شریک کړل.
د کانونو او پټرولیم وزارت سرپرست ورته ښه راغلاست وویل: د هېواد په کانونو کې یې د پانګونې په موخه د لازمو اسانتیاو برابرولو او همکاریو ژمنه وکړه.
