د کانونو او پټرولیم وزارت د سرپرست وزیر محمد هارون چخانسوري په مشرۍ د وزارت د رهبري هیئت غونډه ترسره شوه
د کانونو او پټرولیم وزارت د سرپرست وزیر محمد هارون چخانسوري په مشرۍ د وزارت د رهبرۍ په غونډه کې چې تخنیکي معین عنایت الله مومند، د سروې او جیولوجي معین حسین داد شفاهی او د پالیسۍ او برنامو معین ولي الله ځدراڼ پکې ګډون درلود، د قیمتي او نیمه قیمتي ډبرو د طرزالعمل، د کانونو د کیندلو او کوچني مقیاس پروژو د ګزارش، د داوطلبۍ یا د جواز د ورکړې لپاره د آماده معدني ساحو او د حقوقي مواردو په اړه بحث وشو. همداراز په دې غونډه کې د کانونو په سکتور کې په تحرک او د ډېر شفافیت د تامین لپاره د لازمو اقداماتو په ترسره کولو ټینګار وشو.
