د ټاپي پروژې په مسیر او شمالي ولایتونو کې د ګازو څخه د استفادې دقیقه احصایه او سروې ترسره کیږي
د کانونو او پټرولیم وزارت سرپرست محمد هارون چخانسوري نن ماسپیښین د ویډیوکنفرانس له لارې د مرکزې احصایې د خپلواکې ادارې له رئیس ښاغلي جاوید رسولي سره خبرې وکړې.
محمد هارون چخانسوري وویل: د ټاپي پروژې په مسیر کې د پرتو او شمالي ولایتونو کې د ګازو د وارداتو سربېره د ګازو استفادې او په صنعت کې د ګازو څخه د ګټه اخیستنې دقیقې احصایې ته ضرورت لرو، ترڅو په رڼا کې یې په صنعت، کورونو او د ګازو څخه د انرژۍ د تولید په برخه کې د استفادې دقیقه احصایه ترلاسه کړو او د ګازو په وېش کې ترې ګټه واخلو.
د مرکزې احصایې د خپلواکې ادارې رئیس ښاغلي جاوید رسولي وویل: مونږ به د کانونو او پټرولیم وزارت سره په ګډه یو تخنیکي کاري ټیم تشکیل کړو ترڅو په یادو ولایتونو کې خپلې سروې ګانې پیل کړي او پدې برخه کې دقیقه احصايیه راټوله او کره معلومات د کانونو او پټرولیم وزارت سره شریک کړي.
