د افغانستان سوداګرۍ او پانګونې خونې کې له خصوصي سکټور سره د همغږۍ ناسته تر سره شوه
د سوداګرۍ او پانګونې خونې د کنفرانس تالار کې د کان کیندنې 21 لویې پروژو او 121 کوچنۍ کچې کان کیندنې پروژو په اړه غونډه د پالیسۍ مرستیال او د استخراجي برنامو اسانتیا ښاغلي محمدعتیق ذکي او د افغانستان د سوداګرۍ او پانګونې خونې غړي او د خصوصي سکتور متشبثین په شتون کې تر سره شوه.
لومړی د افغانستان د سوداګرۍ او پانګونې خونې مرستیال رئیس ښاغلي شفیق الله عطايي د وزارت د پالیسۍ مرستیال محمد عتیق ذکي او د هغوی تخنیکي ټیم له راتګ څخه مننه وکړه او زیاته یې کړه د دې برنامې اصلي هدف په خصوصي سکتور کې د کان کیندنې لوی 21 پروژو او 121 کوچنۍ کچې کان کیندنې پروژو پانګوونې فرصتونو په اړه پوهاوی ورکول دي. چې د کانونو او پټرولیم وزارت نوي مشرتابه هڅو له لارې تر لاسه شو دي چې د افغانستان خصوصي سکټور لپاره دا یو ښه زېر دی.
ورپسې د وزارت د استخراجي برنامو د پالیسۍ او اسانتیا مرستیال محمد عتیق ذکي د کانونو اهمیت او د کان کیندنې داوطلبۍ پروسې اسانتیا په اړه خبرې وکړې.
چې دا یې لا پېل ده موږ د نویو پروژو د شمېر په اړه د پالیسۍ جوړونکي په توګه چې وروسته به د افغانستان خلکو ته وړاندې شي، چې د دې پروژو له لارې به په مستقیم او غېري مستقیمه توګه خلکو ته کارمونده او په میلیونونو افغانیو عایدات به دولت ته اضافه شي.
د قیمتي او نیمه قیمتي ډبرو د پالیسۍ په اړه د وزارت د پالیسۍ او استخراج برنامو مرستیال وویل چې مخکې به په غېررسمي توګه صادرېدل. او د خصوصي سکټور او د افغانستان د سوداګرۍ خونې په همکارۍ موږ وتوانېدلو چې دغه پروژې قانوني کړو. او دا خبره باید روښانه کړم چې د لوی کانونه کاري پروسه پېچلې ده چې زموږ وظیفه همدا ده چې د خصوصي سکټور لپاره اسانتیاوې برابرې کړو لکه د جوازونو نیوي کول چې مخکې به یې زیات وخت نیولو اوس په دې باندې کار روان دی چې دغه پروسه الکترونیکي کړي.
په اخر کې هغه زموږ څخه د خصوصي سکټور باور لپاره مننه وکړه او وړاندیز یې وکړ چې یو میکانیزم باید د خصوصي سکټور اسانتیاو لپاره جوړ شي چې ستاسو نظرونو او افکارو پر اساس وي.
وروسته د پانګونې مرستیال او د سوداګرۍ او پانګوونې خونې مدیره هئیت سلطان محمد صافي، د افغانستان د کانونو د کمېټې رئیس منصور احمدزی او د افغانستان د سوداګرۍ او پانګونې خونې رئیس توکل احمدیار د قیمتي او نیمه قیمتي ډبرو د صادرولو لپاره د طرزالعمل د پلي کیدو هرکلی وکړ او په دې برخه کې یې له وزارت څخه د لا ډیرې همکارۍ غوښتنه وکړه.
د موضوع په اړه پریزینټیشن د لوی کانونو رئيس سید ذبیح الله شاداب، د قراردادونو تنظیم رئیس محمد همایون رشید، د کانونو د ساتنې کمیټې رئیس خلیل الرحمن ژوند او د تخنیکي کارپوه شمس الرحمن لخوا ګډونوالو ته وړاندې شو.
