د کانونو او پټرلیم سرپرست وزیر د ترکیې هیواد له سفیر سره ولیدل
د کانونو او پټرولیم سرپرست وزیر الحاج محمد عیسی آخند او د یاد وزارت رهبري هئیت نن په کابل کې د ترکیې سفیر ښاغلی جهاد ارګیناي سره په خيل کاري دفتر کې ولیدل.
په دې لیدنه کې، دوی د اقتصادي همکاریو پراختیا په ځانګړې توګه د تېلو او ګازو په سکټور کې د دوه اړخیزو فرصتونو او همکارۍ ترڅنګ له ترکیې هیواد سره د هایدروکابن په برخه کې په روانو پرژو باندې بحث او د نظر تبادله وشوه.
د کانونو او پټرولیم سرپرست وزیر ښاغلي ارګینای ته د ښه راغلاست تر څنګ د ترکیې هیواد له ملګرتیا او مرستې څخه مننه وکړه. او زیاته یې کړه چې ترکیه له کلونو راهیسې له افغانستان سره دوستانه اړیکې لري او موږ غواړو چې خپله ملګرتیا او همکاري لا پراخه کړو.
ورپسې د ترکیې سفیر ښاغلي ارګینای د کانونو او پټرلیم وزارت د مشرتابه له نېک نظر څخه مننه وکړه او ډاډ یې ورکړل چې د دې وزارت د کارمندانو لپاره د کانونو په برخه کې د تحصلي او تخنیکي بورسونو ژمنه ورکړل.
