د کانونو او پټرولیم وزارت د رهبري هیئت غونډه تر سره کړه
د کانونو او پټرولیم وزارت د رهبري هیئت غونډه د پنجشنبې په ورځ د 5/12/1400 نیټه د کانونو او پټرولیم وزارت د سرپرست شیخ الحدیث شهاب الدین دلاور په مشرۍ د یاد وزارت په مقام کې تر سره شوه.
په دغه غونډه کې چې تخنیکي مرستیال الحاج محمد عیسی اخند او نورو رئیسانو هم ګډون کړی و، د پلان، څارنې او ارزونې ریاست د افغانستان د کانونو د سکټور د نقشه راه د موخو، پلانونو او ستراتیژیو په اړه مفصل راپور د پریزنټیشن له لارې د وزارت مشرتابه ته وړاندې کړ. ورپسې رئیسانو او نورو مسؤلینو د خپلو دندو په اړه لازم توضیحات وړاندې کړل.
د کانونو او پټرولیم وزارت سرپرست د حاضرو غړو د کاري راپورونو د اورېدو پر مهال د چارو د پرمخ بیولو په برخه کې له ترسره شویو هڅو مننه وکړه. او دغه راز د شمال د ډبرو سکرو تصدۍ د دندو د ارزونې او رسېدنې په موخه د ولایتي همغږۍ رئیس مولوي عبدالله نعماني په مشرۍ پلاوي وټاکه او بله کمېټه چې مشري یې ښاغلي قاري هارون کوله د وزارت د پلان، پالیسي او طرزالعملونو د تنظیمولو لپاره یې رئیس وټاکه.
همدغه راز په ياده غونډه کې د غونډې د اجنډا له مخې د بېلابېلو رئيسانو له خوا پرمختګونه، ستونزې او کاري وړانديزونه وړاندې شول.
او په پای کې د یاد وزارت سرپرست د وزارت غړو او کارکوونکو ته د ورسپارل شویو چارو د لا ښه پرمختګ په موخه لازمې لارښوونې وکړې.
