د کانونو او پټرولیم وزارت د هئیت هبري غونډه تر سره شوه
د کانونو او پټرولیم وزارت د هئیت هبري غونډه نن پنجشنبه 19/12/1400 نېټه د کانونو او پټرولیم وزارت سرپرست شېخ الحدیث شهاب الدین دلاور په مشرۍ د یاد وزارت د غونډو په تالار کې تر سره شوه.
په یاده غونډه کې چې د بېلابېلو ادارو رئیسانو او مسوولینو په کې ګډون کړی و، د پلان جوړونې، څارنې او ارزونې ریاست له خوا د لنډ مهاله او اوږدمهاله پلانونو د نهايي کېدو په اړه مفصل راپور د پریزنټیشن له لارې وړاندې شو.
د کانونو او پټرولیم وزارت سرپرست د حاضرو غړو د کاري راپور د اورېدو پرمهال د افغانستان ګاز تصدۍ د ستونزو د حل په اړه خبرې وکړې او دغه راز یې د څارنې او ارزونې د رئیس قاري محمد هارون ابوبکر په مشرۍ د کانونو او پټرولیم وزارت د راتلونکو پنځو کلونو عوایدو وړاندوینې لپاره پلاوی وټاکه.
وروسته بیا رئیسانو او نورو مسؤلینو د خپلو دندو په اړه لازم توضیحات وړاندې کړل.
