ترکمنستان ته د کانونو او پټرولیم وزارت د هيئت سفر
د کانونو او پټرولیم وزارت تخنیکي مرستیال انجنیر وحیدالله حلیمي او ورسره مل پلاوي د 11/7/1401 نېټې په دوه ورځني سفر ترکمنستان هیواد ته سفر وکړ او هلته یې د ټاپي پروژې له مشرتابه او مسوولینو سره وکتل.
د کانونو او پټرولیم وزارت تخنیکي مرستیال د ټاپي پروژې له اجرایوي رئیس ښاغلي محمد مراد امانوف او د هغه له کاري ټیم سره په هرات ښار کې د ګازو د وېش شبکې د پلان، مصرف او طرحې په اړه د ترکمن ګاز په مقام کې سره وکتل او خپل نظرونه یې سره شریک کړل. چې د ټاپي پروژې اجرائيوي رئیس په دې برخه کې د همکارۍ ژمنه وکړه او همدارنګه یې د کانونو او پټرولیم وزارت له پلاوي وغوښتل چې د دواړو هېوادونو تخنیکي ټیمونه دې ژر تر ژره د ګازو د وېش په شبکه کار پیل کړي.
په پای کې د وزارت تخنیکي مرستیال د ټاپي پروژې د عملي پلان د پيل او یا د تقسیم اوقات د ترلاسه کولو غوښتنه وکړه چې د ټاپي پروژې د مشرتابه له خوا ومنل شوه او ژمنه یې وکړه چې په دوو اونیو کې به دغه وزارت ته وسپاري.
