په لوګر ولایت کې کرومایټ کان پروژې د ټولنیزو خدمتونو له لارې د یو روغتیايي مرکز د جوړېدو چارې پېل شوې.
د لوګر ولایت د محمداغې ولسوالۍ په مغول خېلو کې د روغیتايي مرکز د جوړولو د بنسټ ډبره د 80 زره ډالرو په ارزښت د لوګر ولایت د کانونو رئیس، د محمداغې ولسوال او د اطلاعاتو او فرهنګ رئیس په حضور کې د کرمایټ کان کېندنې ستانه بابا قراردادي شرکت له لوري کېښودل شوه.
د یاونې وړ ده چې د ټولنیزو خدمتونو پروګرام کې د یاد کان ستانه بابا استخراجي شرکت په ژمنو کې د یو روغتیايي مرکز جوړول وو چې د لوګر صحت عامې په همغږۍ سره به د دوه کلونو په جریان کې چارې بشپړې شي
