د خوست او پکتیا ولایتونو د کرومایټ کانونو د 5 ساحو داوطلبي تر سره شوه
د کانونو او پټرولیم وزارت د خوست او پکتیا ولایتونو د کرومایټ کانونو 5 ساحو داوطلبي نن یکشنبه 13/9/1401 نېټې د یاد وزارت د غونډو په تالار کې د رسنیو په شتون کې په شفافه توګه تر سره کړه.
د خوست ولایت د رخک منکي، د زن شوره، لومړی او دوهم بلاک او ورژله او د پکتیا ولایت کوه مکاوه سیمو کانونو چې مخکې اعلان ته سپارلي وو. د کانونو او پټرولیم وزارت سرپرست شېخ الحدیث شهاب الدین دلاور، تخنیکي مرستیال انجنیر وحیدالله حلیمي، د پلان او پالیسۍ مرستیال شېخ ضیاءالرحمن الاریوبي، ټاکلي هیئت او هغو شرکتونو په شتون کې داوطلبي تر سره کړه چې د پروپوزلونو په ارزونه کې یې د داوطلبۍ شرایط پوره کړي وو.
په دغه داوطلبۍ کې
1. د خوست ولایت ټني ولسوالۍ ورژله سیمې ګټونکی د شرق نفرایټ شرکت د رویالټي قیمت سره في ټن 9200 افغانیو.
2. د خوست ولایت د جاجي میدان ولسوالۍ رخک منکي سیمې ګټونکی د کریم وردګ شرکت د رویالټي قیمت سره في ټن 10500 افغانیو.
3. د خوست ولایت د ګربز ولسوالۍ زنشوره دوهم بلاک سیمې ګټونکی د عبید ایوب نوري شرکت د رویالټي قیمت سره في ټن 11351 افغانیو.
4. د خوست ولایت ګربز ولسوالۍ د زنشوره سیمې ګټونکی د افغان سپک شرکت د رویالټي قیمت سره في ټن 9500 افغانیو.
5. د پکتیا ولایت د زرمت ولسوالۍ د کوه مکاوه سیمې ګټونکی د آر جي ایم انټرنیشنل شرکت د رویالټي قیمت سره في ټن 10585 افغانیو.
په ارزښت ګټونکي اعلان کړل.
