د اروپا د سولې انسټیټیوټ له رئیس سره د کانونو او پټرولیم وزارت سرپرست لیدنه
د کانونو او پټرولیم وزارت سرپرست ښاغلي شیخ الحدیث شهاب الدین دلاور د 25/11/1401 نیټې د مرستیالانو په شتون کې د اروپا د سولې د انسټیټوټ له رئیس ښاغلي ماریان زمبیلو او د هغه له سلاکار جان فرانسواکوتان سره په خپل کاري دفتر کې وکتل.
په دې لیدنه کې له اروپايي هېوادونو څخه افغانستان ته د کډوالو د راستنېدو، د شته ستونزو د حل، د سولې د تامین، په ټول افغانستان کې د امنیت تامینول او له بهر څخه هیواد ته د مهاجرینو د راستنېدو لپاره د زمینې برابرولو په اړه خبرې اترې وکړې او دواړو لوريو د لا زیاتو همکاریو ژمنه وکړه.
