د کانونو او پټرولیم وزارت اداري غونډه تر سره شوه
د کانونو او پټرولیم وزارت اداري غونډه د مالي او اداري مرستیال مولوي حسام الدین صابري په مشرۍ د رئیسانو په شتون کې نن چهارشنبه د 24/12/1401 نېټې د یاد معینیت د غونډو په تالار کې تر سره شوه.
په غونډه کې د وزارت د تېرې یوې اوونۍ د فعالیتونو او کارونو په اړه اړوندو رئیسانو او مسؤولینو خپل راپورونه وړاندې کړل.
غونډه د ګډونوالو د نظریاتو او وړاندیزونو له اورېدلو او د دغه وزارت د مالي او اداري مرستیال له لوري د وزارت د کاري بهیر د لا ښه والي په موخه د لازمو لارښوونو په ورکولو سره پای ته ورسېده.
