د تخار ولایت د مالګې کانونو داوطلبۍ ترسره شوه
د تخار ولایت د ارچه کوتل او د تاقچه خانه سیمې B او C بلاکونو د مالګې کانونو داوطلبي شنبه د 27/12/1401 نېټې د وزارت د غونډو په تالار کې په شفافه توګه ترسره شوه.
د کانونو او پټرولیم وزارت سرپرست شیخ الحدیث شهاب الدین دلاور د یادو ساحو د مالګې کانونه چې مخکې اعلان ته سپارلې وو داوطلبي یې نن د مرستیالانو، رئیسانو، ټاکلي هیئت او هغو شرکتونو په شتون کې چې د پروپوزلو په اروزنه کې یې د داوطلبۍ شرایط پوره کړي وو په شفافه توګه تر سره کړه.
په دې داوطلبۍ کې د الهادي نبی کانونو استخراج شرکت د رویالټي په قیمت سره في ټن 1500 افغانۍ د ارچه کوتل، او د تاقچه خانه د B بلاک د سکای آریا شرکت د رویالټي په قیمت سره في ټن 2500 او د C بلاک شهبازمنصور کانونو استخراج شرکت د رویالټي په قیمت سره د 1125 افغانۍ ګټونکي اعلان کړل.
