زابل ولایت ته د کانونو او پټرولیم سرپرست سفر
د کانونو او پټرولیم وزارت سرپرست شیخ الحدیث شهاب الدین دلاور له خپل مل پلاوي د پلان او پالیسي مرستیال شیخ ضیاءالرحمن الاریوبي او د جیولوجي سروې مرستیال انجنیر نورالله ستانکزي سره د خپل سفر په ترڅ کې د زابل ولایت د کانونو له رئیس او کار کوونکو سره ولیدل.
د کانونو او پټرولیم وزارت سرپرست او مل پلاوي د زابل ولایت د کانونو او پټرولیم ریاست د فعالیتونو او کارونو د راپور د اورېدو وروسته د زابل د کانونو فعالیتونو د څارنې، ارزونې او کنټرول او د کانونو د قراردادونو د تطبیق د څرنګوالي په اړه خبرې وکړې. او د کانونو له بېلابېلو سیمو څخه یې لیدنه وکړه.
