د کابل شمالي دروازې عوایدي چک پاینټ داوطلبي ترسره شوه
د کابل شمالي دروازې عوایدي چک پاینټ داوطلبي د یکشنبې په ورځ د 26/6/1402 نېټې د یوې رڼې پروسې په ترڅ کې ترسره شوه.
د کانونو او پټرولیم وزارت سرپرست شیخ الحدیث شهاب الدین دلاور چې د یادې سیمې چک پاینټ مخکې د داوطلبي اعلان ته سپارل و، نن یې د یو شمېر رئیسانو، ټاکلي هئیت او هغو شرکتونو چې د پروپوزلونو په ارزونه کې یې د داوطلبۍ شرایط پوره کړي وو، د یوې رڼې پروسې په ترڅ کې یې داوطلبي ترسره شوه.
په دغه داوطلبۍ کې د آغا ولي استخراج شرکت په کلنۍ اجارې سره د (2300000) دوه میلیونه درې سوه زره افغانیو په قېمت سره ګټونکی اعلان شو.
