د کانونو او پټرولیم وزارت سرپرست د اسلامي بانک له پخواني مرستیال سره ولیدل
د کانونو او پټرولیم وزارت سرپرست شیخ الحدیث شهاب الدین دلاور د یکشنبې په ورځ د 21/8/1402 نېټې د افغانستان اسلامي بانک له پخواني مرستیال ښاغلي انجنیر سید آقا سره په خپل کاري دفترکې ولیدل.
د کانونو او پټرولیم وزارت سرپرست د ښه راغلاست تر څنګه وویل: افغانستان نن ورځ یو ازاد او خپلواک هېواد دی، چې ټول سیاسي، اقتصادي، سوداګري تصمیمونه د ملي ګټو د خوندیتوب په پام کې نیولو سره په خپله نیسي.
ښاغلي انجنیر سید آقا د وزارت د مقام له مېلمه پالنې څخه مننه وکړه ویې ویل: "د افغانستان اسلامي امارت له بریا وروسته د کانونو او پټرولیم وزارت لاسته را وړنې او کارونه د ستایلو وړ دي". همدارنګه د پانګوالو د جلبولو په اړه یې خبرې وکړې زیاته یې کړه: "په ټول هېواد کې سرتاسري امنیت شته، له ټولو ملي او نړیوالو پانګوالو څخه غوښتنه کوم، چې له دغه فرصت څخه ګټه پورته کړي او په ډاډه زړه پانګونه وکړي، په همدې موخه کولی شي چې د افغانستان ټولو ولایتونو ته بې له کومې وېرې سفر وکړي".
په پای کې د کانونو او پټرولیم وزارت سرپرست وویل: موږ کورنیو او بهرنیو پانګوالو لپاره ښې اسانتیاوې رامنځته کړي دي کولی شي چې د هېواد د کانونو په برخه کې پانګونه وکړي.
