د کانونو او پټرولیم وزارت سرپرست د MJAM او ENFI کمپنیو له رئیسانو سره ولیدل
د کانونو او پټرولیم وزارت سرپرست شیخ الحدیث شهاب الدین دلاور د سه شنبې په ورځ د 23/8/1402 نېټې د مس عینک قراردادي MJAM کمپنۍ له رئیس خه شو پینګ او د ENFI کمپنۍ له رئیس او تخنیکي ټیم سره د تخنیکي پرمختګ او د مس عینک کان د کارپیل د چټکتیا په اړه په خپل کاري دفترکې ولیدل.
په دغه لیدنه کې د MJAM کمپنۍ رئیس خه شو پینګ د کانونو او پټرولیم وزارت له ملاتړ څخه مننه وکړه او د مس عینک سیمې کې د شته ستونزو په اړه خپلې غوښتنې او نظریات شریک کړل.
د کانونو او پټرولیم وزارت سرپرست د یادو کمپنیو رئیسانو او تخنیکي ټیم ته د ښه راغلاست ترڅنګه وویل: مس عینک د افغانستان لپاره یوه اقتصادي او اړینه پروژه ده، د یادې پروژې عملي کار پیل سره به خلکو ته د کار زمینه د بېوزلۍ له منځه وړل او د هېواد اقتصادي پیاوړتیا په برخه کې ګټوره و بلله.
په پای کې د کانونو او پټرولیم وزارت سرپرست د یادې پروژې د عملي کار پیل په اړه ټېنګار وکړ.
