د کانونو او پټرولیم وزارت سرپرست د MJAM کمپنۍ له استازو سره ولیدل
د کانونو او پټرولیم وزارت سرپرست شیخ الحدیث شهاب الدین دلاور د لوګر مس عینک MJAM کمپنۍ له سرپرست او مل پلاوي سره د تخنیکي همکاریو او د مس عینک کان د استخراج پیل په موخه په خپل کاري دفترکې ولیدل.
د یاد شرکت سرپرست تر ځمکې لاندې دیاد کان د کیندلو په موخه د خپله نوې طرحې په اړه معلومات وړاندې کړل، او همدا راز یې د پېښو پر وړاندې د یو ګرځند ټیم د جوړېدو خبره وکړه، په همدې موخه یې د وزارت له مشرتابه سره خپل نظریات او غوښتنې شریکې کړې.
د کانونو او پټرولیم وزارت سرپرست وویل: د مس عینک پروژه زموږ د هېواد لپاره یو مهمه او اقتصادي پروژه ده، د افغانستان خلک دیادې پروژې د عملي چارو د ژر پیل کېدو غوښتونکي دي.
