د کانونو او پټرولیم وزارت سرپرست د چین هېواد له سفیر سره ولیدل
د کانونو او پټرولیم وزارت سرپرست د چین هېواد له سفیر ښاغلي ژاو شینګ سر په لیدنه کې د مس عینک کان، آمو دریا نفتي حوزې او دوه اړخیزو همکاریو په اړه یې بحث او نظرونه شریک کړل.
د کانونو او پټرولیم وزارت سرپرست د چین سفیر ته د ښه راغلاست تر څنګ د مس عینک کان او آمو دریا نفتي حوزې په اړه خبرې وکړې ویې ویل: په یادو پروژو ښه کار روان دی په ځانګړې توګه په آمو دریا نفتي حوزې چې له یو چینایي شرکت سره یې قرارداد لاسلیک شوی دی په ورځني ډول ترې ۱۴۰۰ ټنه نفت استخراج کېږي او همدا راز په دغه نفتي حوزه کې د ۲۰ نویو څاه ګانو پر کیندلو سره به په آمو دریا نفتي حوزه کې د نفتو د استخراج کچه لوړه شي سر بېره پر دې دواړو لورو د مس عینک کان او د یادې پروژې د پرمختګونو د لرغونو اثارو په اړه یې بحث او خبرې وکړې، د مس عینک کان د چارو پر چټکتیا او عملي کار پیل په اړه یې وړاندیزونه او نظریات شریک کړل.
د چین سفیر د کانونو او پټرولیم وزارت له سرپرست سر په لیدنې خوښي څرګنده کړه او د یاد وزارت د کارونو او لاسته را وړنو ستاینه یې وکړه ویې ویل: زموږ دولت په پام کې لري چې په چین هېواد کې په بېلا بېلو برخو کې د کارمندانو د ظرفیت لوړولو لپاره ښونیزې برنامې جوړې کړي، د کانونو او پټرولیم وزارت هم کولی شي چې خپل استازي یادې ښونیزې برنامې ته معرفي کړي.
