د فاریاب ولایت د اندخوی سیمې د مالګې کانونو د دریو بلاکونو آفرګشايي غونډه ترسره شوه
دفاریاب ولایت د دولت آباد ولسوالۍ د اندخوی، میمنې او درزآب د مالګې کانونو آفرګشايي د کانونو او پټرولیم وزارت سرپرست شیخ الحدیث شهاب الدین دلاور، د پلان او پالیسۍ مرستیال شیخ ضیاءالرحمن الاریوبي، یو شمېر رئیسانو، ټاکلي پلاوي، داوطلبو شرکتونو او رسنیو په شتون کې یې د یاد وزارت د غونډو په تالار کې د یوې رڼې پروسې په ترڅ کې یې آفرګشایي غونډه ترسره شوه.
د کانونو او پټرولیم وزارت سرپرست ګډونوالو د ښه راغلاست تر څنګ د یادو کانونو د مساحت او ارزښت په اړه خبرې وکړې ویې ویل: کانونه د افغانستان د ټولو وګړو ګډه ملي پانګه ده، د کانونو او پټرولیم وزارت هڅې کوي، چې د کان کیندنې د اصولو او طرزالعمل مطابق په پوره روڼتیا سره کانونو په قرارداد ورکړي.
دآفر ګشایي په دغه غونډه کې د داوطلبو شرکتونو پروپوزلونه د ارزونې په موخه اړوند کمېټې ته وسپارل شول.
د یادولو وړ ده، چې د درزاب بلاک کان مساحت 4.43651 د اندخوی بلاک کان 4.46646 او د میمنې بلاک کان 5.2988 کیلومټره مربع مساحت لري، په یادو کانونو کې به د هېواد ګڼ شمېر کسانو د کار زمینه برابره شي.
