د کانونو او پټرولیم وزارت سرپرست د کورنیو چارو وزارت د تأمیناتو له معین سره وکتل
د کانونو او پټرولیم وزارت سرپرست شیخ الحدیث شهاب الدین دلاور د کورنیو چارو وزارت د تأمیناتو له معین مولوي عبدالله حسیني مختار او د دفاع وزارت د استخباراتو د کشف رئیس مولوي اعلی محمد معتصم سره وکتل.
دواړو لورو د سرتاسري امنیت، د کورنیو او بهرنیو پانګوالو لپاره د پانګونې د مناسبو فرصتونو برابرولو، د غیرقانوني استخراج مخنیوی او نورو اړوندو موضوعاتو په اړه بحث او خبرې وکړې.
د کورنیو چارو وزارت د تأمیناتو معین د کانونو د مدیریت، د هېواد په بیا رغونه او اقتصادي پراختیا په برخه کې د کانونو او پټرولیم وزارت د مشرتابه هڅې وستایلې.
پای کې د کانونو او پټرولیم وزارت سرپرست د لاډېرو همکاریو پر دوام ټینګار وکړ.
