کانونو او پټرولیم وزارت سرپرست د ترکي کمپنۍ له استازي سره ولیدل
د کانونو او پټرولیم وزارت سرپرست شیخ الحدیث شهاب الدین دلاور د مالي او اداري مرستیال په شتون کې د 14/8/1402 نېټې د ترکي کمپنۍ له استازي سره په خپل کاري دفتر کې ولیدل.
په دغه لیدنه کې د ترکي کمپنۍ استازي د افغانستان دننه د خامو نفتو د تصفیې خونې جوړولو په برخه کې خپله علاقمندي وښوده ويې ویل: د افغانستان د نفتو په برخه کې د پانګونې ترڅنګه د هېواد دننه په سټنډرډ او میعاري توګه د نفتو د تصفیې خونې جوړولو او پروسس کولو ته زموږ کمپنۍ چمتو ده.
د کانونو او پټرولیم وزارت سرپرست ورته د ښه راغلاست ترڅنګ د پانګونې لپاره د زمینې برابرولو اسانتیاو رامنځته کولو او د هېواد دننه د خامو نفتو د کار خونې جوړولو په برخه کې ورسره د لازمو همکاریو ژمنه وکړه.
