دکانونو او پټروليم وزارت سرپرستوزیر د افغانستان د سوداګرۍ د خونو مرستیال او د هېواد له یو شمېر پانګوالو سره وکتل
دکانونو او پټروليم وزارت سرپرستوزیر، محمد هارون چخانسوری د افغانستان د سوداګرۍ د خونو مرستیال، ښاغلي محمد یونس مومند او د هېواد له یو شمېر پانګوالو سره وکتل.
په دې غونډه کې د پانګونې د جذب او تسهیل په اړه هر اړخیز بحث وشو او پرېکړه وشوه چې د افغانستان د سوداګرۍ خونې، د هېواد د پانګوالو او د وزارت ترمنځ دې د همغږۍ په موخه منظمې ناستې ترسره شي ترڅو د ګډو مشورو په رڼا کې د کانونو په سکتور کې عملي او شفاف تحرک رامنځته شي.
