د افچین کمپنۍ له مشرتابه پلاوي سره د کانونو او پټرولیم وزارت سرپرست لیدنه
د کانونو او پټرولیم وزارت سرپرست شیخ الحدیث شهاب الدین دلاور نن سه شنبه د 1402 کال د غويي میاشتې په 19 نېټه د افچین کمپنۍ له مشرتابه پلاوي سره په خپل کاري دفتر کې ولیدل.
په دې لیدنه کې د افچین کمپنۍ له مشرتابه پلاوي د آمو دریا د نفتو د قرارداد د تطبیق په برخه کې د افچین کمپنۍ د کارونو، پرمختګونو او فعالیتونو په اړه د معلوماتو ورکولو او د دغه کمپنۍ د یو کلن کاري پلان د وړاندې کولو تر څنګ زیاته کړه: چې د افچین کمپنۍ ټول کارونه او فعالیتونه د ماسټر پلان مطابق تر سره کړي او د قرارداد د تطبیق او عملي کولو په برخه کې خپلو مکلفیتونو ته ژمن یو.
د کانونو او پټروليم وزارت سرپرست هم د يادې کمپنې د فعاليتونو د چټکتيا غوښتنې ترڅنګ وويل: ياده کمپنۍ بايد د قرارداد له شرايطو سره سم خپل کارونه او فعاليتونه په يو کلن ازمايښتي دوره کې ترسره کړي، ترڅو پروژه په منظم ډول پلې شي.
