د ترکیې او قطر هیوادونو د شرکتونو له استازو سره د کانونو او پټرولیم وزارت سرپرست ناسته

د کانونو او پټرولیم وزارت سرپرست شیخ الحدیث شهاب الدین دلاور د شنبې په ورځ 30/2/1402 نېټې د ترکیې او قطر هیوادونو د شرکتونو له استازو سره په خپل کاري دفتر کې ولیدل.
د وزارت سرپرست دوی ته د ښه راغلاست تر څنګ له افغانستان سره د دواړو هیوادونو پر اوږدمهاله او ښو همکاریو او اړیکو خوښي څرګنده کړه او د هېواد د کانونو په برخه کې یې د پانګونې په اړه بحث او نظرونه سره شریک کړل او زیاته یې کړه: چې افغانستان د طبیعي زیرمو له پلوه بډایه هېواد دی. او الحمد لله چې په ټول هیواد کې سر تاسري امنیت تامین دی. او کورني او بهرني پانګوال کولی شي چې له دې فرصت څخه ګټه پورته کړي او موږ یې هرکلی کوو.
د ترکیې او قطر د شرکتونو استازو د دغه وزارت د رهبرۍ له میلمه پالنې څخه خوښي او د افغانستان د کانونو په برخه کې یې پانګونې  ته خپله لېولتیا څرګنده کړه.
د کانونو او پټرولیم وزارت سرپرست دوی ته د همکارۍ ډاډ ورکړ او په افغانستان کې د پانګونې په برخه کې د دوی له لېوالتیا مننه وکړه.