د تضمیناتو، تامیناتو، غوښتنو، مصارفو او معاشونو غونډه ترسره شوه.

د ا.ا.ا له سترې فتحې مخکې د تضمیناتو، تامیناتو، غوښتنو، مصارفو او د معاشونو تثبیت غونډه د مالي او اداري مرستیال مولوي حسام الدین صابري په مشرۍ نن یکشنبه د 7/12/1401 نېټې د مالي او اداري معینیت د غونډو په تالار کې تر سره شوه.
په دغه غونډه کې د مالیې وزارت استازی او اړوندو برخو مسؤولینو هم ګډون درلوده چې د تېرې ادارې له وخت څخه پاتې تضمیناتو، تامیناتو، غوښتنو، مصارفو او د معاشونو د ورکړې په څرنګوالي  خبرې اترې وکړې.
په پای کې د پورتنیو مواردو په اړه د مالیې وزارت د استازي نظریاتو له وړاندې کولو وروسته مالي او اداري مرستیال مولوي حسام الدین صابري لارښوونه وکړه چې د قراردادي شرکتونو د پیسو تضمین اسناد او نور ذکر شوي موارد چې په غونډه کې پرې بحث وشو د وروستیو اجراآتو لپاره به د مالیې وزارت ته واستول شي.